رابطہ کمیٹی کی پارٹی آئین میں تبدیلی پر مشاورت مکمل

متحدہ قومی موومنٹ پاکستان کی رابطہ کمیٹی نے پارٹی کے آئین میں ممکنہ تبدیلی سے متعلق مشاورت مکمل کرلی ہے، جبکہ صوبائی اسمبلی کے حلقے پی ایس 127 کے ضمنی انتخابات میں بھرپور شرکت کا بھی فیصلہ کیا گیا ہے۔

متحدہ قومی موومنٹ کی رابطہ کمیٹی پاکستان کا 6 گھنٹے سے زائد ہنگامی اجلاس جاری رہا۔ ایم کیو ایم اعلامیے کے مطابق ایم کیو ایم کے آئین میں ممکنہ تبدیلی سے متعلق مشاورت مکمل کرلی گئی ہے۔

اجلاس میں گرفتار خواتین کارکنان کی رہائی کا مطالبہ بھی کیا گیا ہے۔ اعلامیے کے مطابق اجلاس میں ایم کیو ایم کے عارضی مرکز پر نافذ سیکیورٹی پرتشویش کا اظہار کیا گیا ہے۔