بہاولپور نے ڈیرہ غازی خان رائزنگ اسٹار کو شکست دیدی

لاہور قلندرز جاز رائزنگ اسٹار کرکٹ ٹورنامنٹ میں بہاولپور رائزنگ اسٹارز نے ڈیرہ غازی خان رائزنگ اسٹارز کے خلاف چھ وکٹ سے فتح حاصل کر لی ۔

قذافی اسٹیڈیم میں ڈیرہ غازی خان رائزنگ اسٹارز کے بیٹسمینوں نے اچھا آغاز کیا اور سکندر خان نے 58 رنز بنائے ، عمران رفیق 36 اور ثاقب شاہ 39 رنز بنا کر ٹیم کا اسکور 174 تک پہنچانے میں کامیاب ہوئے۔ صلاح الدین نے تین ارسلان محمود نے دو کھلاڑیوں کو آوٹ کیا۔

جواب میں بہالپور رائزنگ اسٹارز کے بیٹسمین چھائے رہے ، رافع احمد نے 67 رنز کی شاندار اننگز کھیلی،محمد وقاص 46 اور محمد عمران نے 40 رنز بنا کر اپنی ٹیم کو چھ وکٹ سے فتح دلا دی ۔