ٹریفک وارڈنز کی ریپڈ رسپانس فورس کی پشاور میں کارروائیاں جاری ہیں۔ پندرہ ماہ میں وارڈنز نے ٹریفک کی خلاف ورزیوں پر 20ہزار اہم شخصیات کے چالان کیے، جس سےسرکاری خزانہ کو 25 کروڑ روپےوصول ہوئے۔
ٹریفک وارڈنز پشاور ریکارڈ کے مطابق 15ماہ کے دوران تقریباً 0 2 ہزار اہم شخصیات کو چالان تھما ئے گئے ۔ چالان پانے والوں میں ایم این ایز، یم پی ایز، سینیٹرز، بیوروکریٹس، قانون دان اور سیکورٹی اداروں کے افسران شامل ہیں۔
وی آئی پی شخصیات سے 71 لاکھ 81 ہزار روپے سے زیادہ رقم جرمانوں کی مد میں وصول ہوئے۔ بیشتر وی آئی پیز کو دوران ڈرائیونگ موبائل فون استعمال کرنے، سیٹ بیلٹ نہ باندھنے اور بوگس نمبر پلیٹس پر جرما نہ کیا گیا۔
مجموعی طور پر ٹریفک وارڈنز نے پندرہ ماہ کے دوران شہر میں 10لاکھ 48 ہزار سےزیادہ چالان دیئے۔ چالان کی مد میں شہریوں سے 25 کروڑ 56 لاکھ سے زیادہ رقم وصول کئے گئے۔