بھارت کی جانب سے سارک کانفرنس کو سبوتاژ کرنے پر پاکستان کا ردعمل سامنے آیا ہے ، ترجمان دفتر خارجہ کا کہنا ہے کہ سارک کانفرنس کے پلیٹ فارم کو متاثر کرنے کا بھارت کا ٹریک ریکارڈ ہے۔
ترجمان دفتر خارجہ نے مزید کہا کہ بھارت ہمیشہ ہی سے سارک کانفرنس کی راہ میں روڑے اٹکاتا رہا ہے،سارک تنظیم کا بنیادی مقصد خطے کے عوام کی معاشی حالت بہتر بنانا ہے۔
ترجمان دفتر خارجہ نے یہ بھی کہا کہ بھارت کی ہٹ دھرمی کے باعث خطے کے پسے ہوئے عوام مزید پسماندگی کا شکار ہوں گے،بھارت کے منفی رویے کا مقصد دنیا کی توجہ مقبوضہ کشمیر کی صورتحال سے ہٹانا ہے۔