سابق بھارتی وزیر برائے آبی وسائل پروفیسر سیف الدین سوز نے مودی سرکار کو خبردار کیا ہے کہ پاکستان کا پانی روکا تو خود بھارت کو اس کی قیمت چکانی پڑے گی ۔
ان کا کہنا ہے کہ سندھ طاس معاہدے کو توڑنے کی باتیں کرنے والے بھارتی عوام کے بھی دشمن ہیں،حکومت سیاست کی خاطر ملک کو داؤ پر لگا رہی ہے،مودی سرکار نے معاہدہ توڑا تو بھارت کو چھٹی کا دودھ یاد آ جائے گا۔
آبی وسائل کے سابق بھارتی وزیر پروفیسر سیف الدین سوز کا کہنا ہے کہ چین کے پاس ایسی ٹیکنالوجی ہے کہ وہ ہفتوں کے اندر دریائے برہم پترا کا رُخ موڑ سکتا ہے، ایسا ہوا تو پنجاب، نئی دہلی اور دیگر کئی ریاستوں میں اندھیرا چھا جائے گا۔