چین میں کوئلے کی کان میں دھماکے کے نتیجے میں 19 افراد ہلاک ہو گئے۔ابتدائی تفتیش میںکان میں ہونے والے دھماکے کی وجہ غیر قانونی کان کنی قرار دی گئی ہے۔
چین کے سرکاری میڈیا کے مطابق ملک کے شمال مغربی حصے جس وقت اس کان میں دھماکا ہوا اس وقت اس کے اندر 20 کان کن کام کر رہے تھے۔جس کے نتیجے میں 19 افراد ہلاک اور ایک لاپتہ ہو گیا ہے۔
علاقائی حکام کے مطابق کان کا اندرونی ڈھانچہ تباہ ہونے اور گیس کی بہت زیادہ مقدار اندر جمع ہو جانے کے سبب امدادی کام میں مشکلات پیش آ رہی ہیں۔حکام نے کہا کہ ہے کہ کان کے مالک کو گرفتار کر لیا گیا ہے۔