پاکستان اور ویسٹ انڈیز کے درمیان تین ون ڈے میچز کی سیریز کا آغاز کل سے شارجہ میں ہوگا، پاکستان ٹیم کی قیادت اظہر علی کریں گے۔
ٹی ٹوئنٹی سریز میں پاکستان نے میدان مار لیا، عالمی چیمپئن کو سیریز میں کلین سوئپ کیا،دونوں ٹیمیں اب تین ون ڈے میچز کی سیریز میں آمنے سامنے ہوںگی ۔
نئے قائداور 7نئے کھلاڑیوں کے ساتھ ویسٹ انڈیز کی ٹیم سیریز جیتنے کے لیے پر عزم ہے، دوسری جانب اظہر علی کی قیادت میں ٹیم پاکستان کا بڑا امتحان ہے۔
دونوں ٹیموں کے درمیان اب تک 127 ایک روزہ میچز کھیلے گئے،جن میں پاکستان نے 55 میں کامیابی حاصل کی اور 69 میں اسے شکست کا سامنا کرنا پڑا، تین میچز ٹائی ہوئے۔
سیریز کا پہلا ون ڈے کل شارجہ میں پاکستانی وقت کے مطابق شام چار بجے کھیلا جائے گا۔