بھارت نے میلی نظر سے دیکھا تو آنکھیں نکال لینگے ،شہباز

وزیر اعلیٰ پنجاب شہباز شریف کا کہنا ہے کہ اگر بھارت نے پاکستان کو میلی آنکھ سے دیکھا تو اسکی آنکھیں نکال کر پاؤں میں روند ڈالیں گے۔

ایوان وزیر اعلیٰ ماڈل ٹاؤن میں کشمیر کانفرنس کا اہتمام کیا گیا، اپنے خطاب میں شہبازشریف کا کہنا تھا کہ کشمیر کے مسئلے پر مغربی ملکوں کی زبان کو تالے لگے ہوئے ہیں، مودی کے ہاتھ مسلمانوں کے خون سے رنگے ہیں، وہ پاکستان پر حملے کی غلطی نہیں کرسکتے۔

شہباز شریف نے مزید کہا کہ جلسے کرنے والے ہمارے ساتھ جلسے کریں، نواز شریف قوم کو اکٹھا کررہے ہیں ۔

تقریب سے خطاب کرتے ہوئے وزیر اعظم آزاد کشمیر کا کہنا تھا کہ بھارت کی جانب سے کوئی سرجیکل سٹرائیک نہیں ہوئی، اگر ہوتی تو اسے جواب مل گیا ہوتا۔