وفاقی کابینہ نے بھارت کا سرجیکل اسڑائیک کا دعوی مسترد کر تے ہوئےکنٹرول لائن پر بھارتی فورسز کی بلا اشتعال فائرنگ کو سیز فائر کی خلاف ورزی قرار دیا ہے۔
وزیراعظم نوازشریف کی زیر صدارت وفاقی کابینہ کا اجلاس ہوا ،کابینہ نے کہا کہ بھارتی اقدام عالمی قوانین اور باہمی معاہدوں کی بھی خلاف ورزی ہے۔
اجلاس میں کہا گیا کہ کابینہ کوپاکستان کی مسلح افواج کے بہادر جوانوں پر فخر ہے،جس نے بھارتی جارحیت کا بھرپور جواب دیا ۔
اجلاس سے خطاب میں وزیراعظم نواز شریف نے کشمیر کو تقسیم ہند کا نامکمل ایجنڈا قراردیا ،انہوں نے کشمیریوں کی اخلاقی، سفارتی اور سیاسی حمایت جاری رکھنے کا اعلان کرتے ہوئے کہا کہ ہم خطے اور پوری دنیا میں امن کے خواہاں ہیں ۔
وزیراعظم کا مزید کہناتھا کہ کسی کو پاکستان پر میلی نگاہ ڈالنے کی اجاز ت نہیں دی جائیگی،قوم کا بچہ بچہ دفاع وطن کےلئے تیار ہے۔
اجلاس میں وفاقی وزیر دفاع خواجہ آصف نے سرحدی سیکیورٹی صورتحال پر بریفنگ دی ۔
فرمان الہی
نماز کے اوقات
