تحریک انصاف آج پھر میدان میں آئی ہے،رائے ونڈ میں تحریک انصاف کے جلسے کے لیے قافلوں کی آمد بھی جاری ہے ۔
چیئرمین تحریک انصاف عمران خان اپنے گھر سے رائے ونڈکے جلسہ گاہ کے لیے روانہ ہو گئے، جلسے میں خواتین کے لیے علیحدہ جگہ مختص کی گئی ہے۔
رائے ونڈ کے اڈہ اسٹاپ پر تحریک انصاف کا پنڈال تیار ہوگیا ، مختلف شہروں سے رائے ونڈ میں جلسے کے شرکا کی آمد کا سلسلہ جاری ہے ،جلسہ گاہ میں تیاریاں مکمل اور سیکیورٹی کے بھرپور انتظامات کیے گئے ہیں۔