پاکستان نے سارک سربراہ کانفرنس میں شرکت نہ کرنے کے بھارتی فیصلے کی مذمت کرتے ہوئے کانفرنس کے ملتوی ہونے کا باقاعدہ اعلان کر دیا۔
ترجمان دفتر خارجہ کا کہنا ہے کہ بھارت نے اڑی واقعے پر اپنے مفروضوں کو بنیاد بنا کر مقبوضہ کشمیر میں ڈھائے جانے والے مظالم سے عالمی توجہ ہٹانے کی ناکام کوشش کی ،بھارتی فیصلہ نریندرمودی کی خطے میں غربت کے خلاف لڑائی کے اعلان کی نفی ہے ۔
ترجمان دفتر خارجہ نے ایک بیان میں کہا ہے کہ پاکستان نے سارک سربراہ کانفرنس کے تمام انتظامات مکمل کر لیے تھے، شرکت نہ کرنے کا بھارتی فیصلہ سارک چارٹر کی روح کی خلاف ورزی ہے جس کی پاکستان مذمت کرتا ہے۔
ترجمان کا کہنا تھا کہ سارک سربراہ کانفرنس کے انعقاد کی نئی تاریخ کا جلد اعلان کیا جائے گا۔
فرمان الہی
نماز کے اوقات
