کراچی کے علاقے ملیر15 کے قریب مسافر بس اور ہائی روف میں تصادم کے نتیجے میں 2افراد جاں بحق اور 4زخمی ہوگئے۔
ملیر 15 میں صبح کے وقت نیشنل ہائی وے پر مسافر بس اور ہائی روف کے درمیان تصادم ہوگیا۔تصادم کے نتیجے میں 2افراد موقع پر ہی دم توڑ گئے۔ جاں بحق افراد کی شناخت غلام طاہر اور جمعہ خان کے نام سے ہوئی ہے۔
حادثے میں ہونے والے زخمیوں کو جناح اسپتال منتقل کردیا گیا، زخمیوں میں علی،عبدالواحد،فرید اور محمد نادر شامل ہیں۔اسپتال انتظامیہ کے مطابق چاروں زخمیوں کی حالت خطرے سے باہر ہے ۔
پولیس نے حادثے کی شکار گاڑیوں کوپولیس اسٹیشن منتقل کردیااور تحقیقات شروع کردیں۔