انتہاپسندوں کی دھمکی: فلم سازوں کا وفدراج ناتھ سے ملے گا

بھارتی فلم سازوں کا وفد کرن جوہر کی مشکل حل کرنے کیلئے آج وزیر داخلہ راج ناتھ سنگھ سےملاقات کررہے ہیں اور ملاقات میں فلم ’اے دل ہے مشکل‘ کی ریلیزپر حکومت سے سیکیورٹی کا مطالبہ کیا جائے گا۔

بھارت کی انتہا پسند تنظیم ایم این ایس نے فلم ریلیز نہ ہونے دینے کی دھمکی دے رکھی ہے اور فلم ریلیز کرنے والے سینماؤں کو آگ لگانے کی دھمکی بھی دے رکھی ہے۔

’ اے دل ہے مشکل‘ 28 اکتوبر کوریلیز ہونے والی ہےجس کی کاسٹ میں پاکستانی اداکار بھی شامل ہیں۔

دو روز قبل کرن جوہر نے انتہا پسندوں کے آگے گھٹنے ٹیک دیئے تھے اور آئندہ کسی فلم میں پاکستانی اداکار کو کاسٹ نہ کرنے کا اعلان بھی کیا تھا۔