پاکستان، ویسٹ انڈیز کا دوسرا ٹیسٹ کل سے ابو ظبی میں کھیلا جائے گا

پاکستان اور ویسٹ انڈیز کی ٹیموں کےدرمیان دوسرا کرکٹ ٹیسٹ میچ کل ابو ظبی میں کھیلا جائے گاپاکستان کو تین ٹیسٹ میچز کی سیریز میں مہمان ٹیم پر ایک میچ کی سبقت حاصل ہے۔

کل سے ابو ظبی میں شروع ہونے والےٹیسٹ میچ پر شاہینوں کی نگاہیں سیریز جیتنے پر ہیں،تو کیرے بینز سیریز بچانے کی جدوجہد کریں گے۔پہلے ٹیسٹ میچ میںپاکستان نے فتح سمیٹی تھی ،جہاں اظہرعلی کا بیٹ چلا،یاسر کی اسپن کا جادو چلا جبکہ ویسٹ انڈیز کےبشو نے بھی رمک دکھائی تھی اور اننگز میں آٹھ وکٹیںحاصل کی تھیںاوربیٹنگ میںبراوو نے بھی کمالا دکھایا۔

پاکستان کیخلاف جاری سیریز میںاب تک ویسٹ انڈین ٹیم تمام ہی فارمیٹ میں ناکام رہی ہے، پاکستانی ٹیم اس میچ میں سیریز کا فیصلہ کرنا چاہتی ہے،لیکن حریف کا اعتماد بحال ہوا ہے، پھر تیاری بھی بھرپور انداز میں جاری ہے، ممکن ہے مقابلہ یہاں بھی دلچسپ ہوگا۔

سیریز کادوسرا ٹیسٹ میچ پاکستانی وقت کے مطابق گیارہ بجے دوپہر شروع ہوگا۔