کوئٹہ تفتان روٹ کے ٹرانسپورٹروں نے کوئٹہ تفتان روٹ پر غیر معینہ مدت کیلئے پہیہ جام ہڑتال کا اعلان کردیا ہے۔
کوئٹہ تفتان روٹ کے ٹرانسپورٹروں کا ہنگامی اجلاس بلوچستان بس فیڈریشن کے صدر حاجی جمعہ خان بادینی کی صدرات میں ہوا جس میں فیصلہ کیا گیا کہ کوئٹہ تفتان روٹ کی چیک پوسٹوں پر تعینات اہلکاروں کے مبینہ رویہ کے خلاف اس روٹ پر غیر معینہ مدت کیلئے پہیہ جام ہڑتال کی جائے گی۔
صدر بلوچستان بس فیڈریشن جمعہ خان بادینی نے کہا کہ ہمارے ٹرانسپورٹرز پچھلے تین دن سے احتجاج پر ہیں ،اس روٹ پر کوئی بس نہیں چل رہی ہےلیکن حکومت کے کان پر جوں تک نہیں رینگ رہی ہے ۔
بلوچستان بس فیڈریشن نے حکومت سے مطالبہ کیا ہے کہ وہ کوئٹہ تفتان روٹ پر تعینات اہلکاروں کے مبینہ رویہ کا نوٹس لے کر اس مسئلہ کا مستقل حل نکالیں ۔
فرمان الہی
نماز کے اوقات
