تحریک انصاف کی جانب سے اسلام آباد کو بند کرنے والے معاملہ کے بعد آئی جی پولیس اسلام آبادنے وزارت داخلہ کو خط لکھ کر سیکیورٹی اخراجات کی مد میں 46 کروڑ روپے مانگ لئے ہیں۔
ذرائع کے مطابق اسلام آباد پولیس نے خط میں اخراجات کی مد میںحکومت سے چھیالیس کروڑ سات لاکھ روپے مانگ لئےجس میں سے پولیس کے لیے کرائے پر رہائش کی مد میں 1کروڑ 7 لاکھ روپے مانگے گئے ہیں۔
آئی جی پولیس کی جانب سے پیڑول اور ڈیزل کے لیے 1کروڑ 85لاکھ 64 ہزار روپے مانگے گئے ہیں جبکہ کرائے کی گاڑیوں کے لیے 6کروڑ 41 لاکھ 55 ہزار روپے اور فورسز کے کھانوں کے لیے 9 کروڑ 30 لاکھ روپے مانگے گئے ہیں۔
ذرائع کے مطابق اسلام آباد پولیس کی جانب سے پی ٹی آئی کے پہلے دھرنے کے 5کروڑ بقایاجات بھی مانگے گئے ہیں، اسٹیشنری کی مد میں بھی 10 لاکھ روپے مانگے گئے ہیں جبکہ کنٹینرز اور ان کی آمد ورفت کےلیے ہیوی مشینری کےاستعمال کی مد میں بھی اخراجات مانگے گئے ہیں۔
فرمان الہی
نماز کے اوقات
