فلم سازوں کی راج ناتھ سے ملاقات،انتہاپسندوں کو کنٹرول کرنے کا مطالبہ

فلم سازوں کے ایک وفد نے بھارتی وزیر داخلہ راج ناتھ سنگھ سے ملاقات کی اور ان سے کرن جوہر کی فلم اے دل ہے مشکل کی ریلیز کے موقع پر انتہاپسندوں کو لگام دینے کے مطالبہ کیا۔

فلم سازوں اور بھارتی وزیرداخلہ راج ناتھ سنگھ کے درمیان ملاقات کے بعد میڈیا سےگفتگو میں مکیش بھٹ کا کہنا تھا کہ راج ناتھ سنگھ نے انھیں 100 فیصد یقین دہانی کرائی کہ فلم اے دل ہے مشکل کی ریلیز کے موقع پر مکمل سیکیورٹی فراہم کی جائے گی۔

انھوں نے کہا کہ تمام ریاستوں کے وزرائے اعلیٰ کو بھی اس سلسلے میں ہدایات دی جائیں گی ، گلوکار بابل سپریو کا کہنا تھاکہ ایم این ایس ہمیشہ غنڈوں کی جماعت ہی رہے گی،واضح رہے کہ اے دل ہے مشکل کی کاسٹ میں پاکستانی اداکار فواد خان بھی شامل ہیں۔