پنجاب یونیورسٹی: طلبہ وطالبات کے اکٹھے بیٹھنے پر ہنگامہ آرائی

پنجاب یونیورسٹی کے شعبہ ابلاغیات میں ایک طلبہ تنظیم کے ارکان نے طالبات کے پاس بیٹھنے والے انکے ساتھی طلبا کو مبینہ طورپر تشدد کا نشانہ بناڈالا اور داخلی دروازے کے شیشے توڑ ڈالے،حملے میں تین طلبا زخمی ہو گئے۔

یونیورسٹی انتظامیہ کے مطابق طلبا اورطالبات کا ایک گروپ ڈپارٹمنٹ کے لان میں بیٹھا تھا کہ طلبہ تنظیم کے 25 ارکان نے حملہ کر دیا،طلبہ طالبات جان بچانے کے لئے ڈپارٹمنٹ کے اندر گئے تو حملہ آوروں انکا تعاقب کیا ۔

سی سی ٹی وی فوٹیج میں دیکھا جا سکتا ہے کہ حملہ آوروں نے دروازہ بند ہونے پر شیشے توڑ ڈالے۔حملے میں تین طلباء زخمی ہوگئے۔

واقعے کی اطلاع ملنے پر وائس چانسلر پنجاب یونیورسٹی ڈاکٹر مجاہد کامران اور پولیس کی بھاری نفری موقع پر پہنچ گئی جس پر حملہ آور فرار ہو گئے ۔ یونیورسٹی انتظامیہ نے مقدمہ درج کرانے کےلیے پولیس کو درخواست دے دی ہے۔

طلباء نے شکوہ کیا کہ پنجاب یونیورسٹی میں طلبا و طالبات کے اکٹھا بیٹھنے پر لڑائی جھگڑے معمول بن گئے ہیںلیکن یونیورسٹی انتظامیہ اور پولیس ٹھوس کارروائی نہیں کرتی۔