کراچی کے علاقے لیاقت آباد میں نادرا دفتر میں نجی ٹی وی کی اینکر کو تھپڑ مارنے کا مقدمہ ایف سی اہلکار اور سینٹر انچارج کے خلاف درج کیا گیا ہے جبکہ کارسرکار میں مداخلت کرنے کا مقدمہ نجی ٹی وی اینکر کے خلاف درج کرلیا گیا۔
لیاقت آباد میں نادرا آفس میں کوریج کے دوران خاتون صحافی کو ایف سی اہلکار کی جانب سے تھپٹر مارنے اور لوگوں کو منتشرکرنے کےلیے ہوائی فائرنگ بھی کی گئی ۔
پولیس حکام نے واقعہ کی سی سی ٹی وی دیکھنے کےبعد مقدمہ نادرا آفس میں تعینات ایف سی اہلکار سید حسن عباس اور سینٹر انچارج کے خلاف درج کرلیاہے۔
دوسری جانب کار سرکار میں مداخلت کرنے پرخاتون اینکر کے خلاف بھی مقدمہ درج کیا گیا ہے۔ پولیس کی جانب سے ایس سی اہلکار کی گرفتاری کے لئے وزارت داخلہ کو خط بھی لکھ دیا گیا ۔
ایف سی اہلکار کی عدم حوالگی کی صورت میں گرفتاری کے لئے کارروائی بھی کی جائے گی۔