پاکستان اور بھارت کے درمیان اچھے تعلقات ضروری ہیں،محبوبہ مفتی

مقبوضہ کشمیر میں امن کیلئے ریاستی حکومت نے بھی پاکستان اور بھارت کے درمیان اچھے تعلقات پر زور دے دیا، وزیراعلیٰ مقبوضہ کشمیرمحبوبہ مفتی نے نئی دلی میں ایک تقریب سے خطاب کرتے ہوئے مقبوضہ کشمیر میں امن کیلئے پاکستان اوربھارت کےدرمیان اچھےتعلقات پرزور دیتے ہوئے کہا کہ پاکستان اور بھارت کی سرحدیں ساتھ ساتھ ہیں ، دونوں ملکوں کے لوگوں کاجینااور مرنابھی ایک ساتھ ہے۔

انھوں نے مزید کہا کہ مقبوضہ کشمیر میں امن قائم کرنے کیلئے پاکستان ہمارا ساتھ دے، بھارتی اور پاکستانی ایک جیسے لوگ ہیں، مقبوضہ کشمیر میں بھارتی فوج کو دیئے گئے خصوصی اختیارات مستقل نہیں ،محبوبہ مفتینے مزید کہا کہ مقبوضہ کشمیر کی حکومت پیلٹ گنوں پر پابندی لگانا چاہتی ہے۔

کٹھ پتلی خاتون وزیراعلیٰ کا کہنا تھا کہ یہ اس وقت ممکن ہے جب عوام حکومت کے ساتھ تعاون کریں، ہمارے بچے ڈھال کے طور پر استعمال ہو رہے ہیں، کسی پر پتھراؤ کر کے ہم زبردستی اسے بات چیت کیلئے مجبور نہیں کر سکتے۔مذاکرات کیلئے عوام کو تشدد روکنا ہوگا۔