چوہدری پرویز الٰہی نے کہا ہے کہ اپوزیشن موجودہ حکمرانوں سے چھٹکارا حاصل کرنے کے لیے عمران خان کے ساتھ چلے۔
چوہدری پرویز الہٰی نے مسلم لیگ ق کی مرکزی جنرل کونسل سے خطاب کرتے ہوئے کہا کہ افواج پاکستان کو سوچی سمجھی سازش کے تحت بدنام کیا جا رہا ہے، مودی پاکستان، کشمیریوں، پاکستانی فوج کا دشمن ہے، لیکن جو باتیں مودی کر رہا ہے وہ ہمارے حکمران کریں تو یہ افسوس کی بات ہے۔
انہوں نے کہا کہ وہ مسلم لیگی نہیں جو افواج پاکستان کے خلاف سازش کرے، اپنی فوج کے خلاف حکومت زہر اگل رہی ہے، پاکستان فوج کے خلاف باتیں کرنے والوں کے خلاف اٹھ کھڑے ہوں، حکومت کو چلتا کریں ورنہ یہ پاکستان اور افواج کا نقصان کریں گے۔
چوہدری پرویز الہٰی نے کہا کہ حکومت کو صحت تعلیم میں نہیں مال بنانے میں دلچسپی ہے، اورنج لائن ٹرین ڈالر بنانے کا منصوبہ ہے، پاناما لیکس ہو یا افواج پاکستان کے خلاف سازش، عمران خان بھرپور کردار ادا کر رہے ہیں۔
انہوں نے یہ بھی کہا کہ عمران خان کا ساتھ دینا پاکستان کو بچانے کا ساتھ دینا ہے، اپوزیشن کی جماعتیں اپوزیشن کا کردار ادا کریں، پاکستان کو بچانے کے لیے دعوت نامے کی ضرور نہیں ۔
انہوں نے بتایاکہ مسلم لیگ ق کی مرکزی جنرل کونسل نے چوہدری شجاعت حسین کو پارٹی کا بلامقابلہ صدر منتخب کر لیا ہے، دیگر کسی اور عہدے کے لیے درخواستیں موصول نہیں ہوئیں، انہیں منتخب کرنے کا اختیار چوہدری شجاعت حسین کو دے دیا گیا ہے۔
فرمان الہی
نماز کے اوقات
