جمعہ کو مغربی جاپان کے علاقے میں زلزلے کے جھٹکے محسوس کئے گئےجن کی شدت ریکٹر اسکیل پر 6.6 ریکارڈ کی گئی لیکن سونامی کی وارننگ جاری نہیں کی گئی۔
فوری طورپر کسی کے زخمی ہونے یا کسی بڑی تباہی کی خبر نہیں آئی لیکن جاپانی میڈیا کے مطابق تقریباً 40000 گھروں میں بجلی کی فراہمی معطل ہو گئی ہے۔
چیف کیبنٹ سیکرٹری نے پریس کانفرنس میں بتایا کے گھروں میں چیزیں ٹوٹنے اور ایک عمارت گرنے کے باوجود کسی جانی نقصان یا کسی کے زخمی یا ملبے میں پھنسنے کی کوئی رپورٹ موصول نہیں ہوئی۔