جیالے بلاول بھٹو زرداری کی قیادت میں متحد ہیں، نعیم الغنی

پیپلز پارٹی جاپان کے سینئر رہنما نعیم الغنی آرائیں نے کہا ہے کہ پارٹی کے تمام جیالے بلاول بھٹو زرداری کی قیادت میں متحد ہیں اور 16 اکتوبر کو کراچی میں شہداء ریلی کی شاندار کامیابی نے اس بات کو ثابت کردیا ہے کہ بلاول بھٹو زرداری مستقبل کے وزیر اعظم ہوں گےاور کوئی طاقت پیپلز پارٹی کو دوبارہ اقتدارمیں آنے سے نہیں روک سکتی ۔

انھوں نے یہ بات ٹوکیو کا دورہ کرنے والے پیپلز پارٹی کے رہنما ذوالفقار بدر کے اعزاز میں دئے گئے ایک تقریب سے خطاب کرتے ہوئے کہی۔انھوں نے کہا کہ ذوالفقاربدر کے والد جہانگیر بدر کی پیپلز پارٹی اور ملک کے لئے خدمات کسی سے ڈھکی چھپی نہیں ہے۔

انکی قیادت میں پیپلز پارٹی کے نمایاں عوامی خدمات انجام دیں ،اور توقع ہے کہ انکے صاحبزادے اپنے والد کی اس روایت کو زندہ رکھیں گے۔اس موقع پر خطاب کرتے ہوئے ذوالفقار علی بدر نے کہا کہ پاکستان کے عوام کا مستقبل پیپلز پارٹی سے وابسطہ ہے اور جلد ہی پیپلز پارٹی دوبارہ پاکستان کی سب سے بڑی پارٹی بن کر ابھرے گی۔

پارٹی کی تنظیم نو کا سلسلہ بلاول بھٹو زرداری کی ہدایت پر جاری ہے اور جلد ہی اس کو مکمل کرلیا جائے گا۔