لاہور کے علاقہ ہنجروال میں دو بچوں کی ماں نے گھریلو جھگڑے پر مبینہ طور پر خود کو تیل چھڑک کر آگ لگا لی۔
پولیس کے مطابق ہنجروال کی رہائشی 30 سالہ شازیہ نامی خاتون نے کا اپنے خاوند کے ساتھ جھگڑا ہوا جس پر اس نےخود پر تیل چھڑکا اورآگ لگا لی جبکہ شازیہ کے شوہر غلام عباس کا کہنا ہے کہ گھر میں معمولی جھگڑے کی بنا پر اہلیہ نے خود کو آگ لگائی ہے۔
ریسکیو عملہ نے بروقت پہنچ کر شازیہ کو جناح اسپتال پہنچا دیا جہاں اس کا علاج جاری ہے۔ڈاکٹروں کے مطابق شازیہ کا جسم 90 فیصد جل چکا ہے۔
پولیس نے رپورٹ درج کرکے واقعہ کی تفتیش شروع کر دی ہے۔