پاکستان تحریک انصاف کے سیکریٹری جنرل جہانگیر خان ترین نے کہا ہے کہ نواز شریف کے جرائم مکمل شواہد اور دستاویز کے ساتھ بین الاقوامی تحقیقاتی کنسورشیم نے دنیا کے سامنے بے نقاب کئے،ان جرائم کو ثابت کرنے کیلئے مزیدکسی ثبوت کی ضرورت نہیں۔
وفاقی وزیر احسن اقبال کے بیان پر رد عمل کا اظہار کرتے ہوئے انہوں نے کہا کہ عدالتوں پر یلغار کی تاریخ رکھنے والوں سے عدالتی فیصلے کے انتظار کی تکرار باعث تعجب ہے، لاہور ہائیکورٹ کے فیصلے کے باوجود نواز شریف نے ممنوعہ علاقوں میں پوری ڈھٹائی سے شوگر ملیں لگائیں۔
جہانگیر ترین کا کہنا ہے کہ عدالت کو نواز شریف کی معصومیت یا مجرم ہونے سے زیادہ ان کی فرعونیت اور نظام کے کھوکھلے پن پر فیصلہ صادر کرنا ہے۔
ان کا کہنا تھا کہ پاناما لیکس کا ایک ایک صفحہ نواز شریف اور ان کے خاندان کی سیاہ کاریوں کی داستان سنا رہا ہے، ایسے میں نیب، ایف آئی اے اور ایف بی آر سمیت تمام ادارے مفلوج کیوں ہیں؟ قوم سڑکوں پر نکلنے پر کیوں مجبور ہے؟
جہانگیر ترین نے کہا ہے کہ 2 نومبر کے بعد اسٹیٹس کو کی قوتوں کے آگے مضبوط بند باندھ دیں گے۔
فرمان الہی
نماز کے اوقات
