کشمیری رہنما یاسین ملک کی اہلیہ مشال ملک نے کہا ہے کہ ان کے شوہر کی حالت تشویشناک ہے، ڈاکٹرز نے اسپتال منتقل کرنے کا کہا تو بھارتی فوجیوں نے اجازت نہیں دی اور جیل میں بند کر دیا۔
اسلام آباد میں پاکستان تحریک انصاف کے رہنما شاہ محمود قریشی نے مشال ملک سے ملاقات کی، اس کے بعد میڈیا سے گفتگو کرتے ہوئے مشال ملک نے کہا کہ یاسین ملک کی حالت تشویش ناک ہے اور انہیں 5 روز سے پانی بھی نہیں دیا جا رہا۔
انہوں نے یہ بھی بتایا کہ طبی معائنےکے بعد ڈاکٹروں نے انہیں اسپتال منتقل کرنے کی ہدایت کی تو قابض فوج نے جیل میں بند کر دیا۔
دوسری جانب مشعال ملک کی والدہ کا کہنا ہے کہ ان کے داماد یاسین ملک کو حراست کے دوران غلط انجکشن لگایا گیا، غلط انجکشن لگنےسے یاسین ملک کی حالت خراب ہوئی،شام کے وقت انہیں آئی سی یو لے جانے کی اطلاع ملی۔
ان کا مزید کہنا ہے کہ یاسین ملک کو آئی سی یو لے جانے کی اطلاع پر مشعال بے ہوش ہوگئی تھیں، مشعال ملک کو طبی امداد کے بعد گھر منتقل کردیا گیا۔
فرمان الہی
نماز کے اوقات
