مقبوضہ کشمیر میں آج ایک اور کشمیری نوجوان بھارتی پولیس کی شیلنگ کا نشانہ بن گیا، نظربند حریت رہنماؤں نے جاوید احمد کے قتل کی مذمت کرتے ہوئے ایک بار پھر عالمی برادری سے بھارتی مظالم رکوانے کی اپیل کی ہے۔
ضلع بڈگام میں مظاہرین پر بھارتی فورسز کی شیلنگ سے نوجوان کی شہادت کے بعد علاقے میں شدید کشیدگی ہے، 8 جولائی سے اب تک شہید ہونے والوں کی تعداد 111 ہوگئی۔
حریت رہنما علی گیلانی کو عوام سے ٹیلی فونک خطاب کرنے سے روک دیا گیا، علی گیلانی کے بیٹے کو گرفتار کر لیا گیا، اہل خانہ اور میڈیا نمائندوں کوعلی گیلانی سے ملاقات کی اجازت بھی نہیں دی گئی۔
برہان وانی کی شہادت کے بعد سے مقبوضہ وادی میں جاری احتجاج کو 106روز ہو گئے ہیں۔