کراچی کے عوام آج بھی بنیادی سہولتوں سے محروم ہیں ، مصطفیٰ کمال

پاک سرزمین پارٹی کے چیرمین مصطفیٰ کمال کہتے ہیں کہ بانی ایم کیو ایم کے کہنے پر کراچی کے شہریوں نے فطرہ ، چندہ ، کھالیں اور ووٹ دئیے لیکن بدلے میں عوام کو کچھ نہیں ملا، اگر کراچی کے لوگوں کو اپنی نسلیں بچانی ہیں تو پی ایس پی کا ساتھ دینا ہوگا۔

سعید آباد کراچی کی مشرف کالونی میں پارٹی دفتر کے افتتاح کے موقع پر ان کا کہنا تھا کہ جانی و مالی قربانیاں دینے کے باوجود کراچی کے عوام آج بھی پانی ، بجلی اور گیس جیسی بنیادی سہولتوں سے محروم ہیں ۔