بحریہ ٹائون کے ملک ریاض حسین نے قائداعظم ہائوس اور وزیر مینشن کی تعمیر و مرمت کی ذمہ داری سنبھالنے کی پیش کش کر دی۔ ملک ریاض کا کہنا ہے کہ وہ پانچ سال تک قائداعظم سے وابستہ ان دو عمارتوں کی تعمیر و مرمت کی ذمہ داری اٹھانے کو تیار ہیں۔
ان کا کہنا تھا کہ جارج واشنگٹن اور مائو زے تنگ کے گھر آج بھی ایک سیاحتی مقام کے طور پر محفوظ ہیں، قائداعظم کے گھر کی حفاظت کرنا بھی ہماری ذمہ داری ہے۔ انھوں نے کہا کہ قائداعظم کے گھر کے قریب سیوریج کا پانی اور کچرے کے ڈھیر لگے ہیں جو افسوس ناک بات ہے۔