چٹاگانگ ٹیسٹ انگلینڈ نے جیت لیا

انگلینڈ اور بنگلا دیش کے درمیان چٹاگانگ ٹیسٹ دلچسپ مقابلے کے بعد مہمان ٹیم کی کامیابی پر ختم ہو گیا۔ انگلش ٹیم نے 22 رنز کی فتح کے ساتھ سیریز میں ایک صفر کی برتری حاصل کر لی ۔

چٹاگانگ ٹیسٹ کے آخری دن بنگلا دیش کو فتح کے لیے مزید 33 رنز بنانے تھے لیکن اس کے پاس صرف دو وکٹیں تھیں۔

انگلش بولر بین اسٹاکس نے کوئی رعایت نہ برتی اور آخری دن چوتھے ہی اوور میں تیج الاسلام اور شفیع الاسلام کو آؤٹ کر کے انگلینڈ کو 22 رنز سے فتح دلا دی۔

پہلی اننگز میں 293 رنز بنانے والی بنگلا دیشی ٹیم دوسری اننگز میں 263 رنز بناسکی۔