دنیا کا سب سے چھوٹا ٹچ اسکرین اسمارٹ فون

یوں تو مختلف موبائل فون کمپنیاں جدید ترین بڑی اسکرین والے اسمارٹ فونز مارکٹ میں لاتی رہتی ہیں لیکن چین کی ایک کمپنی کی جانب سے دنیا کا سب سے چھوٹا ٹچ اسکرین موبائل فون متعارف کیا گیا ہے۔

محض ایک اعشاریہ 54انچ ٹچ اسکرین والے ’وی فون ایس ایٹ‘نامی اس موبائل کو دنیا کا سب سے چھوٹا اسمارٹ فون قرار دیا جا رہا ہے۔

اپنی نوعیت کے اس چھوٹے ٹچ اسکرین موبائل میں64ایم بی ریم، 128ایم بی استوریج اور 380ایم اے ایچ بیٹری، منی سم کارڈ کے علاوہ بلیو ٹوتھ ، ایف ایم ریڈیو، لائٹ سینسر، دل کی دھڑکن بتانے والے سینسر جیسے کئی فیچرز بھی شامل ہیں ۔اسے آپ دو مختلف رنگوں میں صرف 30ڈالر میں خرید کر سکتے ہیں۔