پیپلز پارٹی کے رہنما اور سندھ حکومت کے مشیر اطلاعات مولابخش چانڈیو نے عمران خان کو وارننگ دے دی کہا کہ تحریک انصاف نے اپوزیشن کو منتشر کیا۔
انہوں نے کہا کہ سب پارٹیاں ان کے ساتھ تھیں لیکن ان کو یقین دلایا گیا کہ آپ کی دونمبری کامیاب ہوگی اور موج بھی آپ اکیلے کریں گے، پی ٹی آئی دوسری ق لیگ ثابت ہوگی ۔
مولا بخش چانڈیو کا مزید کہنا تھا کہ انگلی کے اشارے پر حاصل کی گئی، کامیابی سازش تسلیم کی جائے گی، سازش سے ملی کامیابی کو عوام تسلیم نہیں کریں گے، پوری قوم ایک طرف عمران خان ایک طرف ہوں گے ۔
انہوں نے انگریزی روزنامے میں شائع ہونے والی خبر پر کہا ہے کہ پرویز رشید دوسروں پر انگلیاں اٹھا کر تحقیقاتی اداروں کو گمراہ کرنے کی ناکام کوشش کررہے ہیں۔
مولا بخش چانڈیو کا کہنا تھا کہ تحقیقاتی اداروں کے ہاتھ مجرموں کی گردنوں تک پہنچ چکےہیں، چور کی داڑھی میں تنکا نہیں جھاڑو ہے، وزیراعظم اور ان کے وزراء کی طرف انگلیاں اٹھانے کے ذمہ دار وہ خود ہیں کیونکہ مجرم خود کو بچانے کیلئے دوسروں کی طرف اشارے کرتا ہے۔
مشیرِ اطلاعات سندھ نے کہا کہ وفاقی وزیرکو اتنےعرصے بعد خیال آیا کہ اجلاس میں دیگر لوگ بھی شریک تھے، اتنے عرصے تک انہیں دیگر لوگوں کی طرف انگلیاں اٹھانے کا خیال کیوں نہیں آیا۔
فرمان الہی
نماز کے اوقات
