مشیر اطلاعات سندھ مولا بخش چانڈیوکا کہنا ہے کہ عوامی طاقت سے تحریک انصاف تبدیلی لاسکتی ہے، سازش کے ذریعے جو بھی تبدیلی آئے گی وہ جمہوریت کے لیے بہتر نہیں ہوگی۔
انہوں نے کہا کہ عوامی طاقت سے تحریک انصاف تبدیلی لاسکتی ہے،امپائرکی انگلی کے اشارے پہ رہے تو مستقبل ق لیگ کی طرح ہوگا، غیر آئینی تبدیلی آئی تو حکومت کے ساتھ تحریک انصاف بھی ذمے دار ہوگی۔
مولا بخش چانڈیو کا کہنا ہے کہ عوامی طاقت سے آنے والی تبدیلی کو قبول کرنے کا قائل ہوں، گالیاں دینا پاگلوں کا کام ہے، ایسی سیاسی جماعتوں کا مستقبل تاریک ہے، جوکہیں نہیں پہنچتےوہ سیاست دانوں کوبرےالقابات سےنوازتےہیں۔
انہوں نے بتایا کہ وزیراعلیٰ کی صدارت میں امن و امان کا اجلاس ہوا جس میں طے کیا گیا کہ کوئی بھی تنظیم دہشت گردی میں ملوث پائی گئی تو اس کے خلاف کارروائی ہوگی۔
مشیر اطلاعات سندھ نے یہ بھی کہا کہ جب تک وفاق نے عشرت العباد کو گورنر رکھا ہوا ہے ہمارے لیے قابل احترام ہیں، گورنر وفاق کا نمائندہ ہوتا ہے، جو کرنا ہے وفاق کو کرنا ہے۔
مولا بخش چانڈیو کا کہنا تھا کہ گورنرسندھ طویل عرصےسےفرائض انجام دےرہےہیں،ہم گورنر سندھ عشرت العباد کا احترام کرتے ہیں، گورنر سندھ پر ان کے دیرینہ ساتھی الزامات لگا رہے ہیں۔