بھارتی فوج کی جانب سے سیالکوٹ ورکنگ باؤنڈری کے چپراڑ سیکٹر پر بلااشتعال فائرنگ کی گئی ہے۔ آئی ایس پی آر کےمطابق بھارتی فائرنگ کے نتیجے میں دو شہری شہید ہوئے ہیں۔
بھارتی فوج کی جانب سے لائن آف کنٹرول کی خلاف ورزی مسلسل کی جارہی ہے اور اس سے منسلک پاکستانی علاقوں پر بلااشتعال فائرنگ اور شیلنگ کی جارہی ہے۔
آئی ایس پی آر کے مطابق بھارتی فوج کی فائرنگ سے 8شہری زخمی بھی ہوئے ہیں، جبکہ گزشتہ روز فائرنگ سے زخمی ہونے والا شہری بھی زخموں کی تاب نہ لاتے ہوئے چل بسا۔