افغانستان کے وسطی صوبہ غور میں داعش جنگجؤوں نے 30 شہریوں کو اغوا کرکے ہلاک کردیا ہے۔
صوبائی حکومتی ترجمان عبدالحئی خطیبی کے مطابق ان عام شہریوں کو اس وقت یرغمال بنایا گیا جب وہ پہاڑوں پر لکڑیاں جمع کررہے تھے بعد ازاں انھے گولیاں مار کر ہلاک کردیا گیا۔
ہلاک ہونے والوں میں بچے اور خواتین بھی شامل ہیں۔ خیال کیا جارہا ہے کہ یہ حملہ ایک روز قبل غور کا علاقہ فیروز کوہ میں داعش کا مقامی کمانڈر کی ہلاکت پر انتقامی کاروائی ہوسکتی ہے۔