فیصل آباد: نامعلوم افراد کی فائرنگ سے شخص ہلاک

فیصل آباد میں نامعلوم موٹرسائیکل سوار افراد نے فائرنگ کرکے ایک شخص ہلاک اور ایک کو زخمی کردیا ہے۔

پولیس کے مطابق سمن آباد کے علاقہ میں موٹرسائیکل پر سوار2 نامعلوم افراد نے کار سوار2 افراد پر اچانک فائرنگ کردی، جس کے نتیجہ میں کار سوار محمد آصف اور اس کا ساتھی ماجد شدید زخمی ہوگئے ۔

جنہیں طبی امداد کیلئے الائیڈ ہسپتال منتقل کیا گیا، جہاں محمد آصف زخموں کی تاب نہ لاتے ہوئے دم توڑ گیا۔ مقتول کے ورثاء کا کہنا ہے کہ یہ واقعہ سیاسی رنجش کا شاخانہ ہے، تاہم پولیس کی جانب سے تحقیقات کی جارہی ہیں۔