کیویز نے چوتھے ون ڈے میں گھر کے شیر بھارت کو 19 رنز سے ہرا دیا ہے۔ 5 میچوں کی سیریز 2،2 سے برابر ہو گئی ہے۔
گزشتہ روز ہونے والے میچ میں نیوزی لینڈ کی ٹیم نے کھیلتے ہوئے 7 کھلاڑیوں کے نقصان پر 260 رنز بنائے۔ گپٹل نے72 ، ولیم سن نے41، ٹیلر نے35 رنز بنائے۔
جواب میں بھارتی ٹیم ہدف کے تعاقب میں241 رنز بنا کر آئوٹ ہو گئی۔ نیوزی لینڈ نے میچ میں 19رنز سے فتح حاصل کر کے سیریز بھی 2-2 سے برابر کردی ہے۔ ٹیم سائوتھی نے تین وکٹ لیے۔
مارٹن گپٹل کو 72 رنز کی اننگز کھیلنے پر میچ کا بہترین کھلاڑی قرار دیا گیا۔ قبل ازیں مارٹن گپٹل نے کھوئی ہوئی فارم حاصل کرتے ہوئے نصف سنچری اسکور کی۔ لیکن بھارتی بولرز نے آخری 20اوورز میں نپی تلی گیندیں کرتے ہوئے کیویز کو 7وکٹ پر260 رنز تک محدود کردیا تھا۔
سیریز 2،2 سے برابر ہونے کے بعد اب آخری اور فیصلہ کن معرکہ ہوگا، جو 29 اکتوبر کو وشاکھاپٹنم میں کھیلا جائے گا۔یہ میچ ڈے اینڈ نائٹ میچ ہوگا۔
فرمان الہی
نماز کے اوقات
