بدین سے دو شکاری گرفتار، نایاب آبی پرندے برآمد

محکمہ وائلڈ لائف نے نایاب آبی پرندوں کا شکار کرنے والےدو اور شکاریوں کو گرفتار کر کے پرندے برآ مد کرلیے ۔

محکمہ وائلڈ لائف بدین کے گیم انسپکٹر کے مطابق کارروائی ساحلی علاقےکنگڑو زیرو کے قریب کی گئی ۔ گرفتار ملزمان کے قبضے سے 83نایاب آبی پرندے،جال اور دیگر سامان بر آمد کیا گیاہے۔

اس سے پہلے نرڑی جھیل سے شکار کیے گئے 17آبی پرندے بر آمد کر کے ایک ملزم کو گرفتار کیا گیا تھا۔ گرفتار ملزمان کے خلاف وائلڈ لائف ایکٹ کے تحت مقدمہ درج کر لیا گیا ہے۔