لاہورمیں انسدادِ دہشت گردی کی خصوصی عدالت نےجرح کے لئے پیش نہ ہونے پر 2 متاثرہ لیڈی ڈاکٹروں کے وارنٹ گرفتاری جاری کر دئیے۔
عدالت نے انہیں سوشل میڈیاکے ذریعے خواتین ڈاکٹروں کو بلیک میل کرنے کے مقدمےمیں بیانات قلم بند کرنے کےلئے طلب کررکھاتھا۔
انسداد ِدہشت گردی کی خصوصی عدالت کے جج چودھری اعظم نے کیس کی سماعت کی۔ دوران سماعت ینگ ڈاکٹرز ایسوسی ایشن کے سیکریٹری ڈاکٹر سلمان کاظمی نے موقف اختیار کیا کہ گواہوں کے بیانات کی ترتیب متعین کرنا انسداد دہشت گردی عدالت کا اختیار نہیں۔گواہوں کے بیانات پہلے قلمبند ہونے سے ملزم کو فائدہ پہنچ سکتا ہے،اسی لئے متاثرہ ڈاکٹرز جرح کے لئے پیش نہیں ہو رہیں۔
انہوں نے عدالت کو آگاہ کیا کہ گواہوں کے بیانات کی ترتیب متعین کرنے کا حکم ہائیکورٹ میں چیلنج کیا گیا ہے۔عدالت نے مزید سماعت 29اکتوبر تک ملتوی کر دی۔
فرمان الہی
نماز کے اوقات
