پاکستان پیپلزپارٹی کے چیئرمین بلاول بھٹو زرداری کا کہنا ہے کہ حکومتی جماعت کو برداشت سے کام لینا ہوگا، خواتین پر تشدد کرنا خوف زدہ ہونے کی علامت ہے۔
پیپلز پارٹی کے چیئرمین کا کہنا ہے کہ اسلام آباد میں پی ٹی آئی یوتھ کنونشن پر پولیس کے لاٹھی چارج اور تشدد کی سخت الفاظ میں مذمت کرتے ہیں۔
انہوں نے مزید کہا کہ پولیس کا کام امن و امان قائم کرنا ہے کسی سیاسی پروگرام کو خراب کرنا یا خواتین پر تشدد کرنا نہیں۔
بلاول بھٹو نے یہ بھی کہا کہ یوتھ کنونشن ایک جمہوری عمل ہے اور پاکستان پیپلزپارٹی کسی طرح بھی جمہوری عمل کو روکنے کی سختی سے مذمت کرتی ہے۔