پاکستان کا بھارت میں ہونے والی کانفرنس میں شرکت سے انکار

پاکستان نے بھارت میں آئندہ ماہ کے پہلے ہفتے میں ہونے والی وزارتی کانفرنس میں شرکت سے انکار کر دیا ہے۔

بھارتی میڈیا نے اس حوالے سے دعویٰ کیا ہے کہ پاکستان نے بھارت میں ہونے والی وزارتی کانفرنس برائے آفات میں شرکت سے انکار کر دیا ہے، وزارتی کانفرنس تین سے پانچ نومبر تک بھارت میںمنعقد ہورہی ہے۔

اس سے پہلے بھارت نے پاکستان میں ہونے والی سارک سربراہ کانفرنس میں نہ صرف خود شرکت نہیں کی تھی بلکہ اس کے خلاف لابنگ بھی کی تھی ، جس کے نتیجے میں دیگر پڑوسی ملکوں نے بھی اس کانفرنس میں شرکت نہیں کی تھی۔