متحدہ قومی موومنٹ پاکستان کے ڈپٹی کنوینر خالد مقبول صدیقی کا کہنا ہے کہ کچھ لوگ سمجھ رہے تھے کہ ایم کیو ایم بٹتی چلی جائے گی، ہم نے اس تحریک کو جوڑ کر رکھا ہوا ہے۔
خالد مقبول صدیقی کا جنرل ورکرز اجلاس سے خطاب کرتے ہوئے کہنا تھا کہ 22 اگست کوغلطی ہوگئی تو 23کو غلطی کا ازالہ بھی کر دیا۔
انہوں نے کہا کہ پیپلز پارٹی نے ثابت کر دیا ہے کہ ان کے ساتھ نہیں رہا جا سکتا، حالات نے ثابت کر دیا ہے کہ ہمیں الگ صوبے کے لیے جدوجہد کرنی ہے، ملک بناسکتے ہیں تو انشاء اللہ صوبہ بھی بناسکتے ہیں۔