سکھر میں ہندو برادری دیوالی جوش وجذبے سےمنا رہی ہے

ملک کے مختلف حصوں کی طرح سکھر میں ہندو برادری دیوالی کا تہوار اپنے مذہبی جوش وجذبے کے ساتھ منا رہی ہے ۔

سکھر میں دیوالی کی مرکزی تقریب ناپر مندر میں ہوئی ، جس میں ہندو پنچائت سکھر کے صدر ایشور لعل ماکھیجا سمیت پنچائت کے دیگر عہدیداران اور ہندو برادری نے بڑی تعداد میں شرکت کی۔

دیگر چھوٹے بڑے مندروں میں بھی دیوالی کی تقریبات ہوئیں جہاں ہندو برادری نے پوجا کی ، ایک دوسرے کو مٹھائی کھلا ئی اور پٹاخے اورپھلجڑیاں جلا کر خوشی کا اظہار کیا۔