لاہور نہر سے ملنے والی لاش کی شناخت ہو گئی

لاہور میں بی آر بی نہر سے ملنے والی لاش کی شناخت ہو گئی ہے۔ 15 سالہ اعجاز کو تیز دھار آلے سے قتل کر کے لاش نہر میں پھینکی گئی۔

پولیس کے مطابق ابراہیم کالونی باغبانپورہ کا 15 سالہ اعجاز یعقوب دو روز پہلے سکول سے واپسی پر لاپتہ ہو گیا تھا۔ تھانہ شالیمار پولیس نے اغواء کا مقدمہ درج کیا۔

منگل کو بی آر بی سے لاش ملی تو باٹا پولیس نے اعجاز کے والدین کو بلا یا جنہوں نے لاش شناخت کر لی۔ اعجاز کو تیز دھار آلے سے قتل کیا گیا اور پھر لاش بوری میں بند کر کے نہر میں پھینک دی گئی تھی۔

پولیس نے لاش پوسٹ مارٹم کے لئے بھجوا کر ملزمان کی تلاش شروع کر دی ہے۔