وزیراعظم نےپاناما پیپرز پرتقاریر میں غلط بیانی کی ،پی ٹی آئی

پی ٹی آئی رہنماؤں جہانگیر ترین اور اسد عمر کا کہنا ہے کہ وزیراعظم نوازشریف نے اسمبلی میں کی گئی تقریر اور قوم سے خطاب میں غلط بیانی کی ، وزیراعظم نے کہا کہ فیکٹری دو ہزار پانچ میں بیچی اور فلیٹ لئے، ہم نے کاغذات دیئے کہ دو ہزار ایک میں یہ فلیٹ وزیراعظم اورانکے بچوں کے زیراستعمال تھے۔

پاناما لیکس کیس کی سماعت کے موقع پر میڈیا سے گفتگو کرتے ہوئے جہانگیر ترین نے کہا کہ مسلم لیگ ن کے درباری ہفتے سے ٹی وی پر بیٹھ کر کہہ رہ تھے کہ پاکستان تحریک انصاف کے پاس ثبوت نہیں ، آج ان کا صفایا ہو گیا ۔ نعیم بخاری نے کورٹ کو کہا کہ نواز شریف نے پارلیمنٹ میں غلط بیانی کی اور قوم سے خطاب میں بھی غلط بیانی کی ۔

تحریک انصاف کے رہنماجہانگیر ترین نے کہا ہے کہ قطری شہزادے کی کہانی فرضی ہے۔ وزیر اعظم نواز شریف نے پاناما پیپرزپر اپنی تقریروں میں غلط بیانی کی۔

پی ٹی آئی کے رہنما اسد عمر کا میڈیا سے گفتگو میں کہنا تھا کہ جب دبئی کی مل بیچی گئی وہ خسارے میں تھے ، دبئی کی فیکٹری سے کچھ نہیں ملا ۔ حسن نواز 1999 میں طالب علم تھے اور 2002 میں وہ کیسے کروڑوں پاؤنڈز کی جائیداد کے مالک بنے؟

انہوں نے مزید کہا کہ بدقسمتی ہے کہ ملک کا تین بار وزیر اعظم بننے والا قوم سے پے در پے جھوٹ بولتا آیا ہے۔