کائنات کے اسرار سے متعلق ماہراور معروف ماہرِ طبیعات اسٹیفن ہاکنگ نے موٹاپے کو انسانوں کیلئے سنگین خطرہ قرار دیدیا ہے اور کہا ہے کہ اس مرض سے نمٹنے کیلئے کوششیں تیز کرنا ہوں گی۔
اپنے بیان میں اسٹیفن ہاکنگ نے کہا ہے کہ عوامی صحت کے مسائل میں سے ایک سنگین خطرہ موٹاپا ہے اور آج کے دور میں مرنے والے افراد کی زیادہ تعداد موٹاپے اور زیادہ وزن کے باعث پیدا ہونے والے مسائل کی وجہ سے جان سے ہاتھ دھو بیٹھتی ہے۔ موٹاپا لاکھوں کروڑوں افراد کی جان کیلئے خطرہ ہے۔
انہوں نے کہا کہ میں یہ بات سمجھنے سے قاصر ہوں کہ سستی اور کاہلی کس طرح انسانی جان کیلئے خطرہ بن چکی ہے۔
دریں اثناء امریکی خبر رساں ادارے کی رپورٹ نے اس بیان پر تبصرہ کرتے ہوئے کہا ہے کہ دن میں گھنٹوں تک فالتو بیٹھے رہنے سے موٹاپے کا خطرہ بڑھ جاتا ہے لیکن خوش آئند بات یہ ہے کہ انسان اپنے عزم سے اس مرض پر قابو پا سکتا ہے۔
فرمان الہی
نماز کے اوقات
