اپنی جان کا نذرانہ دے کر دہشت گردی کا منصوبہ نا کام بنا نے والے 15 سالہ طالب علم اعتزاز حسن کی زندگی پر مبنی فلم سیلوٹ آج ریلیز کی جارہی ہے۔
شہید اعتزاز حسن کے والد کا کہنا ہےکہ اس فلم سے اُن کے بیٹے کی قربانی اور بہادری کا پیغام گھر گھر پہنچے گا۔
یہ فلم خیبر پختونخوا کے ضلع ہنگو سے تعلق رکھنے والے نویں جماعت کے طالب علم اعتزاز حسن کی زندگی پر بنائی گئی ہے، بہادر اور پرعزم اعتزاز نے 3 سال پہلے اسکول کے قریب اپنی جان کا نذرانہ دے کر دہشت گردی کی ایک کارروائی کو ناکام بنایا تھااور سیکڑوں طلبہ کی جان بچا ئی تھی۔
فلم میں اداکار عجب گل نے اعتزاز حسن کے باپ اور صا ئمہ نے ماں کا کردار ادا کیا ہے۔