روس کا چاند کی تسخیر کیلئے جدید ترین روبوٹ تیار

روس نے اپنی نوعیت کا جدید ترین روبوٹ تیار کر لیا ہے جو نہ صرف چاند کی تسخیر کیلئے استعمال کیا جائے گا بلکہ انسانوں سے بھی مشابہت رکھتاہے۔

فیڈر نامی یہ روبوٹ چھ فٹ لمبا ہے اور160کلو وزنی ہے ۔ فیڈر بے پناہ صلاحیتوں کا مالک ہے جو ماہر ڈرائیور ہے اور گاڑی انتہائی مستعدی سے چلاتا ہے ۔

اس کے علاوہ بیس کلو تک وزن بھی با آسانی اُٹھا لیتا ہے اوراسکرو ٹائٹ سے لے کر دیگر پاور ٹولزکا استعمال بھی بخوبی جانتا ہے ۔

روسی ماہرین کے مطابق فیڈر کو آئندہ پانچ سالوں میں بین الاقوامی خلائی اسٹیشن پر بھیجے جانے کا امکان ہے جس کا مقصد چاند کی زمین پر تحقیق ہے۔