امریکی نومنتخب صدر ڈونلڈ ٹرمپ اور تائیوان کی صدر سائی انگ وین کے درمیان ٹیلی فونک رابطہ ہوا ہے جس پر چین برہم ہوگیا اور اس نے امریکا سے شدید احتجاج کیا ہے۔
چینی وزارت خارجہ کا کہنا ہے کہ نومنتخب امریکی صدر اور تائیوانی صدر کے درمیان رابطے پر امریکا کو شکایت ریکارڈ کرادی ہے،چین تائیوان کو منقطع صوبے کےطور پر دیکھتا ہے۔
1979ء میں متعین کی گئی امریکی پالیسی میں امریکا نے تائیوان سے باضابطہ تعلقات منقطع کر لئے تھے، ٹرمپ ٹرانزیشن ٹیم کا کہنا ہے کہ ڈونلڈٹرمپ اور تائیوان کی صدر تسائی انگ ون نے سیاسی، اقتصادی اور سیکیورٹی سے متعلق قریبی تعلقات پر زور دیا ہے اور کہا ہے کہ تائیوان امریکا کا اہم ترین اتحادی ہے۔