حکمرانوں نے قائداعظم ؒ کے پاکستان کو تباہ کردیا ، طاہر القادری

پاکستان عوامی تحریک کے سربراہ علامہ طاہر القادری کا کہنا ہے حکمرانوں نے قائد اعظمؒ کے پاکستان کو تباہ وبرباد کردیا ہے ، ملک میں سیاسی اور معاشی دہشت گردی کی جارہی ہے ۔

پاکستانی عوامی تحریک کے سربراہ طاہر القادری نے مزار قائد پر حاضری دی ، پھول چڑھائے اور فاتحہ خوانی کی ، اس موقع پر میڈیا سے گفتگو میں انہوں نے کہا کہ پاکستان کو امن کا گہوارہ بناناتھا،موجودہ حالات نے ملک کو بے امن کردیا ہے، ملک میں دہشت گردی اور انتہا پسندی کی کوئی گنجائش نہیں ۔

علامہ طاہر القادری نے حکمرانوں پر تنقید کرتے ہوئے کہا کہ سیاست دانوں نے ملک اور عوام کے ساتھ بہت کھلواڑ کرلیا ، ملک میں سیاسی او رمعاشی دہشت گردی کی جارہی ہے ۔